Aparıcı Aytən Səfərova AZAL-dan şikayətçi olub.
OLAY yazır ki, o instaqram səhifəsində paylaşım edərək bunları deyib:
“İnsanların AZAL-dan başqa çarəsi yoxdur. Quru sərhədlər bağlıdır. Bakıdan Naxçıvana AZAL təyyarəsi ilə uçduq və geri qayıtdıq. Əvvəllər bilet 50 manat idi və 1 saatlıq uçuş zamanı su, şirə və bulka verirdilər. İndi bilet 60 manatdır, şirə və bulkanı da yığışdırıblar. İçərisində ərpə oxşar maddələr olan su verirlər. Böyük sərnişin üçün o bulka heç nədir, çoxumuz yemirik. Amma zənnimcə, milli aviadaşıyıcı bir neçə balacanı sevindirsə müflisləşməz. Qiymət artdıqca, keyfiyyət aşağı düşür. Sərnişinlərin AZAL-ı seçməkdən başqa çarəsi yoxdur, məcburdur. Hər dəfə ümid edir ki, alternativ yollar olacaq, amma hələ ki yoxdur”.
